LINK Tromsø & Omegn

Lea go dus lossa dilli? Dárbbašat go ságastallat dan birra?

Dárbbašat go dorvvolaš báikki gos it dárbbat iežat čiegadit ja gos beasat deaivat earáid geain lea seammalágán dilli ja seamma ipmárdus kultuvrras ja dearvvašvuođas go dus? Ságastallanjoavku sáhttá leat juste dat maid dárbbašat. Dáppe sáhtát hárjehallat rahpasit ja duođalaččat ságastallat mo dus duođaid lea. 

LINK Tromsø sáhttá dál fállat ságastallanjoavkkuid sámi álbmogii. Joavkkus leat 5 - 7 eará oassálastit. Joavkkut válbmejuvvojit oahpástuvvan ságastallama vuođul. Oahppabehtet mo sáhttibehtet veahkkálaga veahkehit iežadet ja nubbi nuppi buoremus lági mielde. Buohkat galget jávohisvuođajulggaštusa vuolláičállit.

Dát fálaldat lea nuvttá dutnje geas lea sámi gullevašvuohta. Fálaldaga sáhtát geavahit nu guhká go dan dárbbašat. Fálaldat lea dutnje jus deavddat 18 jagi dán jagi, leat juo deavdán 18 jagi dahje leat boarrasat. Jus dát fálaldat orro miellagiddevaš, de váldde oktavuođa minguin. Mii muitalit movt joavkkut doibmet, ja sáhtát mearridit lea go dát juoga maid háliidat geahččalit.

Oasseváldit muitalit ahte lea buorre gullat ságastallanjovkui, ja ahte sii dovdet iežaset unnit okto ja eambbo dábálažžan. Máŋgasat dadjet ahte sii leat šaddan eambbo sihkkarin iežaset ektui ja eambbo rabas dasa mo sii dovdet iežaset. Eanet ráfi árgabeaivvis ja buoret eallinkvalitehta lea maid dieđihuvvon. Jus dovddat iežat buorebun, de sáhtát dávjá doaibmat buorebut barggus/oahpus, bearašeallimis jna.